100 bestu bækurnar – annar áfangi

Í vor sagði ég á FB frá því markmiði mínu að lesa 100 bestu/merkustu klassískar skáldsögur frá 1700-2000. Ég einbeiti mér að erlendum bókum, en þó ekki eftir nýjustu höfunda. Ástæðan er sú að það tekur tíma að bækur verði klassískar. Ég fékk fádæma góðar undirtektir þegar ég óskaði eftir ráðleggingum vina á FB við að velja bækur.

Í kjölfarið skrifaði ég pistil þar sem ég sagði frá tillögunum og þeim bókum sem ég valdi. Listinn er auðvitað í stöðugri þróun og ég er reyndar enn ekki kominn upp í 100 bækur. Mér sýnist ég vera kominn með 71 bók á listann nú þegar. Þar af er ég búinn að lesa tæplega 50 nú þegar og 14 síðan í maí.

Það skrítna er að ég get mælt með öllum bókunum nema einni. Myndin af listamanninum á unga aldri eftir James Joyce fannst mér leiðinleg. Frú Bovary eftir Flaubert hélt mér heldur ekki vel við efnið og var satt að segja ekki mjög áhugaverð. Hún hefur eflaust þótt meira spennandi fyrir 150 árum áður en það uppgötvaðist að konur gætu haft kynhvöt.

Bartleby, the Scrivener eftir Melville kom mér á óvart. Nú er talsvert vitnað til hennar og Trump líkt við söguhetjuna sem er furðufugl. Hún er líka stutt.

Ægisgata eftir Steinbeck fannst mér frábær. Vel skrifuð og kom mér í gott skap. Veröld sem var eftir Zweig er ekki skáldsaga heldur bók sem maður á að hafa lesið. Nú er ég búinn að því.

Óbyggðirnar kalla eftir Jack London kom mér á óvart. Hún er ólík öllum hinum bókunum. Margar bækur Londons voru til heima í gamla daga. Kannski þekkti amma þýðandann.

Tunglið og tíeyringurinn eftir Maugham er bók að mínu skapi. Ég óttaðist að Frankenstein eftir Shelly væri rusl, en hún leyndi á sér.

Goriot gamli eftir Balzac var líka áhugaverður. Vanity Fair og Middlemarch eru mjög langar bækur en héldu mér spenntum.

Vel að merkja þá eru bækurnar sumar kyrrlátar með köflum, en flestar eru nógu líflegar á milli til þess að ég er spenntur að klára þær.

Ég veit að stór hluti bókanna er eftir enskumælandi höfunda, en ég reyni að fikra mig smám saman austur á bóginn.

Hafi einhver viðbótartillögur er ég sannarlega opinn fyrir þeim. Ég fékk hugmyndir um ýmsar bækur sem mér hefði aldrei dottið í hug að lesa og hafa reynst afar góðar.

MERKILEGAR ÚTLENDAR BÆKUR SEM ÉG VERÐ AÐ LESA

	Hroki og hleypidómar	Austin
	Goriot gamli	Balzac	Lokið
Ólesin	Tídægra	Bocaccio
	Jane Eyre	Brontë Charlotte
	Fýkur yfir hæðir	Brontë Emily
	Meistarinn og Margaríta	Bulgakov
	Útlendingurinn	Camus
	Lísa í Undralandi	Carrol
Ný	The Point of Honor	Conrad, Joseph	Lokið
	Saga tveggja borga	Dickens
	Fávitinn	Dostojevskí
	Karamazov bræðurnir	Dostojevskí
	Glæpur og refsing	Dostojevskí
	Middlemarch	Eliot, George  (Mary Anne Evans)	Lokið
Ólesin	Sound and the Fury	Faulkner
Ólesin	The History of Tom Jones, a Foundling	Fielding, Henry
	Hinn mikli Gatsby	Fitzgerald
	Frú Bovary	Flaubert
	Howard’s End	Forster
Ný	A Room With a View	Forster	Lokið
Ólesin	Homo faber	Frisch, Max
	Flugnahöfðinginn (Höfuðpaurinn)	Golding
Ólesin	Blikktromman	Günter Grass
	Gróður jarðar	Hamsun
	Viktoría	Hamsun
Ný	Tess of d’Ubervilles	Hardy, Thomas	Lokið
	To Kill a Mockingbird	Harper Lee
	Góði dátinn Sveijk	Hašek
	The Scarlat Letter	Hawthorn, Nathaniel	Lokið
Ólesin	Glataðir snillingar	Heinesen, William
Ólesin	Catch-22	Heller
	Gamli maðurinn og hafið	Hemingway
Ólesin	Vopnin kvödd	Hemingway
Ólesin	Hverjum klukkan glymur	Hemingway
	Brave New World	Huxley
	A Portrait of the Artist as a Young Man	Joyce
	Hamskiptin	Kafka
	Réttarhaldið	Kafka
	On the Road	Kerouac
	Being There	Kosinki
Ný	Óbyggðirnar kalla	London, Jack	Lokið
Ólesin	Búddenbrooks	Mann
Ólesin	100 ára einsemd	Marques, Gabriel García
	Tunglið og tíeyringurinn	Maugham	Lokið
Ólesin	Móðirin	Maxim Gorki
	Moby Dick	Melville
	Bartleby, the Scrivener	Melville	Lokið
	Lolita	Nabokov
Ólesin	Ditta mannsbarn	Nexö, Martin Andersen
	1984	Orwell
	Dýrabær	Orwell
Ólesin	Sívago læknir	Pasternak
	The Bell Jar	Plath
	Bjargvætturinn í grasinu	Salinger
	Frankenstein	Shelly	Lokið
Ólesin	Lygn streymir Don	Sjokolov
Ólesin	Dagur í lífi Ívans Denísovítsj	Solzhenítsyn
Ólesin	Tortilla Flat	Steinbeck
Ólesin	Þrúgur reiðinnar	Steinbeck
	Ægisgata	Steinbeck	Lokið
Ólesin	Mýs og menn	Steinbeck
Ný	Vanity Fair	Thakeray, William Makepeace	Lítið eftir
	Anna Karenína	Tolstoy
Ólesin	Stríð og friður	Tolstoy	Byrjað á
	Stikilsberja-Finnur	Twain
Ólesin	Kristín Lafransdóttir	Undset, Sigrid
	Birtingur	Voltaire	Endurlesin
	Myndin af Dorian Gray	Wilde
Ólesin	Frú Dalloway	Woolf	Byrjað á
Ný	Germinal	Zola, Emil	Byrjað á
	Veröld sem var	Zweig	Lokið

Verkefnið heldur áfram og ég reyni að smásaxa á listann og bæta nýjum við þar til ég verð kominn upp í að minnsta kosti 100 úrvalsbækur.