Málrækt með dótturdætrum

Systurnar dótturdætur mínar voru í heimsókn. Við eldhúsborðið er talað fagurt mál og líka talað tungum. Og svo er auðvitað rökrætt.

Vigdís (7 ára): Þetta vínarbrauð er ljúffengt.

Anna Lilja (4 ára): Delicious. [Alltaf öruggara að láta enska þýðingu fylgja því alls ekki víst að afinn þekki flókin orð eins og ljúffengt.]

Afi: Mikið talið þið fullorðinslega systur. Þið eruð líka orðnar svo stórar.

Steinunn María (2 ára): Ég er líka stór.

Afi: Já auðvitað, en systur þínar eru orðnar stærri.

Steinunn María: Ég er líka stærri.

Afinn gafst upp.